NUR 2009
Gode minner, gærne minner…
Denne sommaren samlar ”gærne jinter og gutar” minner frå Hamar! 27.-29. juli inviterer Noregs Ungdomslag ungdom mellom 14 og 26 år til kurs og vakne sommarnetter...
NUR 2009 (Noregs Ungdomsring) er ein ungdomsleir med fire ulike kurstilbod og mykje sosialt samvær. Leiren blir arrangert på "Gamle Ankerskogen vidaregåande skole" på Hamar dagane i framkant av Folkekulturfestivalen.
Her kan du laste ned årets NUR-brosjyre.
Måndag 27. juli: innkvartering av NUR-deltakarar på skulen, sosiale aktivitetar på kvelden.
Tysdag 28. juli: kurs om dagen – sosialt om kvelden…og natta…
Onsdag 29. juli: kurs om dagen – avslutningsfest middag og underhaldning. Utover kvelden speler Einar Olav Larsen trio til dans!
Klikk her for meir detaljert tidsplan.
I løpet av NUR 2009 blir det fleire fellesøkter med aktivitetar på tvers av fagfelta. Om kveldane og nettene får ein tid til andre ting; jamming, teaterleik, dans, spel, nattdebatt, kjærleik (!?)….
NUR-telefon:
Når samlinga startar måndag 27. juli vil NUR-telefonen vere open.
Telefonnummeret er 99330076
Ringer du til denne telefonen kjem du til vaktene som sit på Ankerskogen videregående skole. Telefonen vil vere open heile døgnet fram til 02. august.
NUR-spel
Speler du eit instrument?
Eit av landets mest populære folkemusikkgrupper er lærarar
på dette kurset; Einar Olav Larsen trio, nominert til IntroFOLK 2009!
Lær melodiar innan 1900-talets gammaldans, swing og tango.
Kurset er ope for alle instrument, og vil ha stort fokus på samspel. Samarbeidet med NUR-folkedans blir tett, og du vil spele mykje til dans!
Einar Olav Larsen trio
Den største inspirasjonskjelda er samspelet mellom Hilmar Alexandersen og pianisten Sturla Hallås. Eit elegant felespel
og variert og originalt piano-akkompagnement, som Alexandersen
og Hallås utvikla gjennom meir enn 20 års speling på bryllup
og fest på Innherred.
Einar Olav Larsen (30 år) er ein av få som er A-klasse-spelmann
på både fele og hardingfele. Han er mellom anna kjent frå
P. A. Røstad orkester, finsk-norske Frigg, samspelet med bror sin, Gjemund, og har dessutan det siste året spelt med Øystein
Sunde og orkesteret hans ”Meget i sløyd”.
Daniel Trustrup Røssing (25 år) er kjent som eit stort talent innan blues-/rockabilly-sjangeren. Han braut gjennom i 2007 med turnering med Chuck Berry, og er nå rocke-legenden sitt førsteval som pianist på konsertar i Europa.
Audun Larsen (20 år) er yngstemann i folkemusikk-familien Larsen. Er etter kvart ein habil bassist med erfaring frå fleire ulike sjangrar.
NUR-teater
Vil du smake på fleire teaterretningar? Både fysisk og tekstleg teater?
Då blir du med oss. Humor er det alvorlege utgangspunktet. Vi leikar
med skodespelarteknikk og tekstarbeid, med ulike teatermetodar. Om
du ikkje er så tøff, så blir du det, for improvisering er ein del av
innhaldet - og med det skapar vi nye og stilige historier.
Innimellom vil deltakarane gjennom kreative visningar markere seg i lokalmiljøet. Kurset vert avslutta med: Kjeften vs Kroppen, ein høgtideleg konkurranse mellom tekstteateret og det fysiske teater, det tradisjonelle
og moderne. Aldri før har scenekunsten duellert på denne måten,
men på Hamar i 2009 kårar vi kanskje ein vinnar.
Trine Merete Sjølyst (27 år) og Jan Fredrik Grøndal Henriksen
(24 år) arbeider begge som teaterinstruktørar og er engasjert i Den mangfaldige scenen. Jan Fredrik er i tillegg lidenskapeleg opptatt
av hiphop, noko som vil verte synleg i valet av delar av
arbeidsdramatikken.
NUR-folkedans
Høyrt om dei glade 50 og 60 åra?
NUR-folkedans skrur tida tilbake, og lærer å danse tango og slowfox,
så vel som runddans og annan type folkedans. Alt med utgangspunkt
i norsk folkeleg dansetradisjon og -musikk frå 1900-talet.
Vegar Vårdal har studert og fordjupa seg mykje også i
denne delen av norsk
dansetradisjon. På dette kurset vil du
oppleve danseglede, god musikk og mange ulike typar dans!
NUR-folkedans samarbeider tett med NUR-spel. Du vil få danse mykje til eit av landets beste folkemusikkgrupper;
Einar Olav Larsen trio!
Vegar Vårdal (33 år) er profesjonell folkemusikar og folkedanspedag, busett i Vågå. Han er mykje brukt dansepedagog, og er mellom anna hovudlærar på
emnet Norsk folkelig dans (NTNU/Rff-sentret). Vegar
starta si dansekarriere som swingdansar, og har
instruert i swing, tango og folkedans sidan han var 15 år!
Arnhild Baarøy er instruktør i Kom og Dans, og ein av leiarane i Kom og Dans - Bergen. Arnhild er mykje brukt som instruktør på store samlingar i Kom og Dans, både som kursinstruktør og opplæringsinstruktør. Arnhild danser det meste av moderne sosial samværsdans - alle swingformer, foxtrot- og slowformer, tango, linedance og andre danserytmer.
Endre Kleiveland (28 år) er frå Osterøy og mykje brukt danseinstruktør i Bergen Ungdomslag, Ervingen. Han også med i dansegruppa To tette og ei badehette i Bergen. Endre er leiar i folkedansrådet i Noregs Ungdomslag.
NUR-design
På grunn av for få påmelde har vi diverre avlyst kurset i re-design dette året.
Deltakaravgift:
Å delta på NUR 2009 kostar kr. 1000/700 (medlem i Noregs Ungdomslag).
Reiseleiararar får 50% rabatt.
NUR 2009 blir gjennomført i samarbeid med:
Hålogaland UL, Hordaland UL, Vest Agder UL, Oppland UL, Eidsiva fylkeslag, Sør-Trøndelag UL, Rogaland UL og Valdres Ungdomslag.
NUR 2009 er støtta av: Landsrådet for barne- og ungdomsorganisasjonar (LNU), Folkekulturforbundet og Musikkutstyrsordningen.
Hugs å melde ungdomsringen din på Framsyningskappleiken!
Reiser du saman med ei gruppe/Ungdomsring eller aleine?
Alle NUR-deltakarane er, eller blir, organisert i grupper på 10 ungdomar og har ein "reiseleiar".
Om du reiser aleine, og ikkje saman med ei gruppe eller ungdomsring, får du ei gruppe når du kjem til Hamar. Reiser du saman med ei gruppe eller ungdomsring vil vi gjerne ha oversikt over kven som er reiseleiarar i gruppa. Reiseleiarar får 50% rabbatt på deltakaravgifta for NUR.
Ein reiseleiar må vere over 18 år, og har ansvar for "sine" 10 ungdomar under NUR og Folkekulturfestivalen. Å ha ansvaret betyr: å ha litt oversikt over kor folk er, gi vidare informasjon under NUR-arrangementet, samt delta på informasjonsmøter undervegs i arrangementet.
Siste nytt:
⇒ Festivalprogrammet i trykken
⇒ Bli med i festivalkoret!
⇒ No kan du melde deg på Folkekulturfestivalen!
⇒ Gå ikke glipp av nattkonserten!
⇒ Infofolderen til nedlasting